قالت وزيرة الصحة الدكتورة هالة زايد، في اتصال هاتفي مع برنامج الحكاية إن طفلين فقط مصابين بـفيروس «كورونا» والباقي مخالط لحالات إيجابية في 7 مدارس

وأوضحت: بالنسبة للطلبة المصابين، هما 2 من مدرستين مختلفتين، والباقي مخالطين لحالات إيجابية، وهم نفسهم مش إيجابي، هم 7 مدارس، منهم مدرسة فيهم مُدرسة مش طفل، وتحت الملاحظة بدون أعراض وإحنا متابعين معاهم

وأضافت: تاني بأكد أنهم 2 بس من الأطفال والباقي مخالط لحالات إيجابية في 7 مدارس

وكان وزير التعليم قال في وقت سابق أن حالات كورونا لدى الاطفال هم لعدد 6 أطفال فقط في مدارس بالجيزة والاسكندرية وبلبيس

وقالت وزيرة الصحة: الناس المصابين بفيروس الكورونا عندنا اكتر من 85% منهم بدون أعراض لمجرد أن صحتهم النفسية بتتحسن في خلال 48 ساعة أصبحت تحاليلهم سلبية

وأضافت: أنا أرجو أن يبقى فيه تناول إيجابي للموضوع ده في وسائل الإعلام وإننا نرفع الروح المعنوية

وتابعت: إجمالي الحالات المسجلة 110، منهم روح في البيت 25 واحد وفيه 8 حالات سلبية النتيجة ومنتظرين نعيد التحليل بعد 48  ساعة

وأكدت أن معظم الحالات عندنا بدون أعراض، والمصري اللي كان جاي من صربيا اتحسن كتير جدا

وأضافت: تاني بنقول إن الناس اللي معرضة للإصابة بشكل يحتاج لرعاية مركزة هما كبار السن، واللي عندهم أمراض مزمنة هما اللي بيعانوا من المرض ده بشكل كبير

وتابعت فيه مراكز ابحاث في الصين وأمريكا ومنظمة الصحة العالمية بتاكد ده ممكن توصل لعلاج على آخر شهر أبريل . وزير التعليم : إصابات «كورونا» بين الطلاب الـ 6 بمدارس في الجيزة والإسكندرية وبلبيس