حصلت «المصري اليوم» على نص اعترافات المتهم الرئيسي «محمود.م»، بقضية سرقة «تابلت التعليم»، أمام النيابة العامة، التي أكدت في بيان لها، في وقت سابق، أن المسروقات 1179 جهاز لوحي «تابلت» جرى الاستيلاء عليهم من داخل المدينة التعليمية بمدينة السادس من أكتوبر.

نص أقوال المتهم الرئيسي في قضية سرقة تابلت التعليم قال المتهم الرئيسي «محمود.م.ا.أ.إ»، إنه يبلغ من العمر 22 عامًا، ويقطن منطقة ميت عقبة بالعجوزة في الجيزة، إذ أبدى ندمًا على جريمته مرددًا: «أنا غلطان»، بعدما نسبت له النيابة ارتكاب واقعة سرقة المنقولات «أجهزة الحواسيب اللوحية»- التابلت- مع آخر.

وفي تفاصيل اعترافات المتهم بقضية سرقة التابلت، حكى قائلًا: «اللي حصل إن أنا شغال عامل بوفيه ونظافة تبع شركة (إيجي كول)، بس أنا شغال من غير عقد، وبعدين روحت اشتغلت في الإدارة بتاعة المدينة التعليمية كعامل نظافة، وأنا هناك اشتغلت عامل بوفية كمان، والأول اشتغلت في الإدارة نفسها بعد كده نزلونا المخزن والفترة اللي أنا اشتغلت فيها في المخزن (بوفية) شوفت إن المخازن فيها غرفة فيها أجهزة تابلت».

وأضاف قائلًا: «وفضلت شغال هناك فترة الأول، وبعدين جه في بالي إني أخذ جهازين من اللي موجودين في الأوضة وأبيعهم، وفعلًا خدت جهازين ونزلت بيهم على وسط البلد، وهناك قابلت واحد اسمه»يوسف«، عرفته بالصدفة، وعرضت عليه الجهازين اللي معايا، وقالى إنه هيشتري الواحد بـ1700 جنيه، وبعتهم فعلًا».

بيعت الواحد بـ1700 جنيه وتابع قائلاً: «ولقيته بيقولي لو في أي حاجة تانية عايز تبيعها قولي، وبعدين بكام يوم خدت 112 جهاز (تابلت) تانيين، وكنت باخدهم على مراحل عشان محدش ياخد باله، يعني كنت بحط كام كرتونة في شنط (هاند باج) مثلاً واطلع بيها».

ويكمل المتهم الرئيسي بقضية سرقة تابلت: «والأجهزة التانية اللي.....

لقراءة المقال بالكامل، يرجى الضغط على زر "إقرأ على الموقع الرسمي" أدناه

هذا المحتوى مقدم من صحيفة المصري اليوم