زمان كان المثل بيحكي الي أمه عجانه ما بجوع

زمان كنا نستعير رغيف الخبز من الجيران

زمان كان عند كل عيلة لقن نحاسي للعجين والخميرة من الحول للحول مش فورية مثل هسعيات

زمان خبزنا من طحين بلادنا وبكل حارة بيه فران وتعجن العجنة بالليل وع الصبح تتقرص وتخمر

زمان كان يقولوا عن خبز السوق ان بات بيجفر

زمان وخبز زمان ٣ / ٤ طحين قمح بلدي والربع طحين زيرو

زمان كان الخبز انواع طابون والفرن حد البيت وع الصاج شراك والي بيروح ع المخبز مشروح ورضافي

زمان كانت المخابز منتشرة بكل الحارات يوخذ قرشين ع كل عجنة او قرش ع كل صينية كفتة او دجاج مع بطاطا وقرشين ع كل سدر كعك ومعمول منقش بالبيت

زمان ريحة الخبز البلدي المشروح القادم من الفرانه ريحته بتفحفح وكنا ننتش رغيفين إلى ٣ قبل الوصول للمنزل

زمان كان الخبز البلدي يصل ساخن على البيوت يغطوه بشرشف حتى لا يتيبس

زمان لما يصل الخبز ساخن ندهنه بالسمنة البلدية وشوية سكر هاي تحلايتنا

زمان كانت ريحة قراص العيد بتفحفح وهو رايح عجين ع المخبز وهو راجع

زمان لما كنا نودي القمحات ع المطاحن نرجع مغبرين ولونا ابيض من الطحين

زمان ونحنا صغار كانت الأمهات وهن بخبزن يعملن لكل طفل قرص خبز صغير وكنا نكيف عليه

زمان كان الفران يتفنن بفرد العجين وتصميم رغيف الخبز عبر الدربكة عليه بسمفونية خبيز بعدها.....

لقراءة المقال بالكامل، يرجى الضغط على زر "إقرأ على الموقع الرسمي" أدناه

هذا المحتوى مقدم من خبرني