ضيَّعت «كلمه» وغابت مدري إشْ نسّاك
كل ما تقرِّب لها تفْلِت عراويها
الغايبه الذايبه ببحر الظلام هناك
تدْني لحِرْواتها والغيم يخْفيها
مشغول بالك عليها والغياب أعْماك
مشغول- جزء الثواني- ومنشغل فيها
لا طيف يلْمع ويجْدَح بالسما معناك
أو حبل يسحب ملافظها ويدْنيها
الذاكره مزرعه والذكريات أشواك
من يدخل أدغالها ويحْصي معانيها؟!
لو حرف واحد يبيِّن تسْحبه بيمناك
أظن بين العتم تطلع مبانيها
حاوِل تركِّز ترى نسيانها أذّاك
لا تقول وقت الفجر باچر تلاقيها
هذا المحتوى مقدم من صحيفة الجريدة
