إلى روح الزميل الصحفي محمود نصر، الذى رحل عن عالمنا منذ أيام قليلة، نحكي هذه القصص كما لو كان يجلس إلى جوار ابنه آدم، يروي له حكايات الحيوان في القرآن، بصوت أب محب وقلب لا يزال نابضًا بالكلمة، ليرحل الجسد وتبقى حكايته..
محمود: "يا آدم يا حبيبي، كل سنة وأنت طيب وبخير.. رمضان كريم عليك وعلى كل أصحابك.. النهاردة هحكي لك قصة مختلفة خالص، قصة بطلها مش بس إنسان، دي بطلها كمان كائن ضخم جداً من كائنات البحر.. هنبدأ بقصص الحيوان في القرآن
آدم : الله! أكيد هتكون جميلة يا بابا.. طيب يلا بسرعة هنبدأ بمين؟
محمود: دايماً مستعجل يا آدم! هحكي لك قصة " الحوت والنبي يونس" .. مستعد؟
آدم: متحمس جداً أعرف إيه اللي حصل!
محمود: بص يا بطل، الله أرسل نبيه يونس لأهل مدينة اسمها (نينوى) في العراق، عشان يعلمهم عبادة ربنا الواحد، ويسيبوا عبادة الأصنام اللي لا بتنفع ولا بتضر.. فضل سيدنا يونس يدعوهم سنين طويلة بكل صبر، لكن هما للأسف سخروا منه، وعاندوا جداً.
آدم: يا خبر! طيب فين الحوت يا بابا؟ أنا مستنيه يظهر!.
محمود: اصبر يا آدم، الحوت جاي في الطريق! لما سيدنا يونس لقى مفيش فايدة فيهم، زعل جداً وساب القرية ومشي من غير ما ربنا يأمره بالخروج، وأول ما مشي، الناس هناك شافت علامات غريبة في السما وخافوا، وعرفوا إن كلام يونس كان صح، فندموا وخرجوا كلهم كبار وصغار يدعوا ربنا يسامحهم.. وفعلاً ربنا رحيم جداً وسامحهم.
آدم: يعني هما آمنوا؟ طيب وسيدنا يونس راح فين؟
محمود: سيدنا يونس كان خلاص ركب سفينة في وسط البحر.. وفجأة، الجو اتغير، والريح بقت قوية جداً، والسفينة بدأت تتمايل وهتغرق! القبطان.....
لقراءة المقال بالكامل، يرجى الضغط على زر "إقرأ على الموقع الرسمي" أدناه
هذا المحتوى مقدم من صحيفة اليوم السابع
