أكد الخبير الاقتصادي، مختار الجديد، أن أهم ما في الدفع الإلكتروني هو معالجته لمشكلة المقاصة.
وقال الجديد، في منشور عبر «فيسبوك»: كلام لا يعرف معناه إلا أصحاب الأعمال والتجار، تذكروا قبل سنوات كيف تقعد ماشي جاي على المصرف تبي تودع صك في حسابك وتقعد تستنى بالأيام والأسابيع ماشي جاي على المصرف ومرة الصك راجع بسبب مشكلة مقاصة ومرة التوقيع مش مطابق وكل مرة حجة شكل .
وأضاف توا الساعة 1 في الليل يوم جمعة من حوشك تحط رقم الحساب اللي تبي تحوله وتحط القيمة وفي ظرف دقايق يتم تحويل المبلغ لأي مصرف في ليبيا .
وتابع الدفع الإلكتروني ليس مجرد بيع بالبطاقة والذي لا يمثل شيء مقارنة بالخدمات الآخرة، الدفع الإلكتروني الأهم فيه هو معالجته لمشكلة المقاصة والنظام التقليدي القديم الذي أرهق الناس .
هذا المحتوى مقدم من الساعة 24 - ليبيا
