وجهت الفنانة بدرية طلبة رسالة حادة لمتابعيها عبر حسابها الرسمي على موقع التواصل الاجتماعي "فيسبوك"، حذّرت خلالها من خطورة التعليقات المسيئة والتجاوزات عبر الإنترنت، مؤكدة أن القانون بات يلاحق كل من يتجاوز حدوده.

وكتبت بدرية طلبة: شكلك ايه لما الادمن يدخل يقولك حنبلغ مباحث النت بالتعليق تعتذر وتقول دي بنتى الصغيرة اخدت التليفون وكتبت الكلام دا او ابنى الصغير اللي بعت الرساله دي".

وتابعت: طب ليه تعمل جامد وتغلط وانت مش اد اللي بتعمله ؟؟ طب شكل حضرتك ايه لما تلاقي عليك قضيه حبس او غرامه بسبب تعليق بايخ ما احنا حذرنا مليون مرة وقولنا احترم تُحترم وهو انت لما تدخل تكتب تعليق بايخ الادمن حيسمى عليك؟ .

وأضافت: طب للمرة المليون لو الصفحة مش عاجبة حضرتك متتابعهاش لو صاحبة الصفحة زعلت حضرتك روح اشتكيها في مباحث النت وهات حقك منها بالقانون .

واختتمت: "لكن تغلط تتحمل رد فعلنا وبالقانون ودلوقتى دا متاح للجميع لكن كام واحد يتعدو علي الصوابع شايفين نفسهم فوق القانون فا مفيش حد فوق القانون ولو الصفحة فيك حيتعرف بردو بتاعة مين ويتجاب عادي بس ساعتها مفيش معلش .

هذا المحتوى مقدم من بوابة دار الهلال