اجتمع أبو و دينا الشربيني في عمل غنائي جديد بعنوان "دقة ناقصة"، ليحمل رسالة تتجاوز حدود الموسيقى نحو دعم قضية إنسانية ومشاركة الجمهور في إحداث فرق حقيقي.

"دقة ناقصة".. أبو و دينا الشربيني في أغنية برسالة إنسانية

الأغنية التي طرحها الثنائي عبر المنصات، تحمل فكرة الدقات كرمز للأمل والحياة، وهي من كلمات حميد فاروق، وألحان طارق نجيب وشريف مجدي وحميد فاروق، وتوزيع وإنتاج موسيقي شريف مجدي، فيما تولّى فيصل فؤاد عملية الميكس والماسترينغ.

ومن كلمات الأغنية:

"دي حكاية حصلتلي من ييجي سبع ايام

تفاصيلها تثبتلي ازمتي قلبي انا شقيان

حبيتها وليه نسيتني لو كنا في حالنا ياقلبى

كان جرى إيه

كانوا ياعيني هيمشوا

هيقولوا اللي محبش اهو

ولا اللى مدابش أهو

اسكت الله يخليك فرجت الناس عليك

أهي نقصت دقة يا قلبي وهنروح ونجيبها منين"

"دي الغنوة ماتتغناش من غير دقات"

قبل طرح الأغنية، شارك أبو و دينا فيديو موجّه للجمهور، كشفا فيه عن البعد الإنساني للمشروع، بالتزامن مع حملة تبرعات ساهمت في إعادة الدقات لقلوب محتاجة.

وقال أبو: "أنا بجد مش مستغرب من حجم التبرعات اللي وصل لنا ده. إحنا كده يا مصريين لما نحط قلبنا في حاجة قلبنا بيبقى واحد. شكراً على التبرعات اللي وصلت وعلى الدقات اللي رجعت".

وأضافت دينا: "وزي ما فاجأتونا إحنا كمان عايزين نفاجئكم. ادخلوا على يوتيوب أو أنغامي واكتبوا دقة ناقصة وهتشوفوا المفاجأة. وعايزين نفكركم إن الرحلة لسه ما خلصتش والتبرعات لسه شغالة، يعني نقدر نرجع دقات أكتر لقلوب أكتر".

كما أرفقا الفيديو بتعليق جاء فيه: "التبرعات كملت، والدقات رجعت! شكراً لكل الناس اللي اتبرعت واهتمت. بسببكم في أطفال كتير هترجع تعيش حياة طبيعية. أغنية دقة ناقصة دلوقتي على يوتيوب وأنغامي وكل المنصات! بس إحنا مكملين، لسه في قلوب كتير محتاجة دقات".

هذا المحتوى مقدم من ET بالعربي