قال عصام الحضري، أسطورة حراسة مرمى منتخب مصر، إن الكرة السعودية تشهد طفرة كبيرة خلال الفترة الأخيرة، مشيرًا إلى أن ذلك يعود لقوة دوري روشن ووجود عدد كبير من اللاعبين العالميين.

اقرا أيضا|الآن.. مباراة القادسية ضد النصر في دوري روشن عبر القنوات الناقلة

وأضاف الحضري في تصريحات خاصة لـ كورة بريك : اللي بيحصل في الدوري السعودي هيأثر بشكل إيجابي جدًا على منتخب الأخضر في كأس العالم 2026 .

وقال: المنتخب السعودي دلوقتي مش بيشارك لمجرد التمثيل المشرف، لأ ده بقى عنده القدرة ينافس منتخبات كبيرة زي إسبانيا وأوروجواي وكاب فيردي، وممكن جدًا نشوفه بيصعد من مجموعته .

وعن قرار إقالة المدرب رينارد، قال الحضري إن الخطوة ممكن تتفهم هذا القرار لو مدروس، لكن الأهم إن أي تغيير في توقيت زي ده لازم يكون وراه خطة واضحة، مش مجرد قرار وخلاص، لأن المرحلة الجاية محتاجة استقرار فني كبير .

وعن منتخب مصر، أكد الحضري إن الوصول لكأس العالم 2026 هو أمر طبيعي لما يمتلك من نجوم، لكن الطموح لازم يكبر، وقال: مش عايزين نروح المونديال لمجرد المشاركة، لازم نبقى عايزين نكسر فكرة التمثيل المشرف ونوصل لأدوار أبعد .

وأشار إن مجموعة مصر في كأس العالم مش سهلة زي ما البعض متخيل، وقال إنها تضم منتخبات قوية زي بلجيكا وإيران ونيوزيلندا، وكل مباراة فيها لازم تتلعب كأنها نهائي.

مصطفى شوبير الحارس الأول.. الحضري يحسم ترتيب حراس منتخب مصر

وكشف الحضري كمان عن رؤيته لترتيب حراسة مرمى منتخب مصر قبل المونديال، وقال إن مصطفى شوبير هو الحارس الأول حاليًا، وبعده محمد الشناوي، ثم المهدي سليمان.

وأضاف إن شوبير بيقدم مستوى ثابت جدًا وبيشتغل على نفسه بشكل قوي، وإن حتى فترات عدم المشاركة ما أثرتش عليه، بالعكس زودته إصرار وتركيز سواء مع ناديه أو المنتخب.

هذا المحتوى مقدم من كورة بريك