كشفت الفنانة يسرا اللوزي، أن الزواج ليس أمرًا سهلًا مثلما يعتقد معظم الناس، مشيرة إلى أنها لو كانت مكان داليا في مسلسل كان ياما كان كانت ستطلب الطلاق أيضًا.
وقالت يسرا اللوزي في لقاءها في برنامج "كلمة أخيرة" مع الإعلامي أحمد سالم عبر قناة ON:" لو أنا مكان داليا في مسلسل كان يا ماكان غالبًا هطلب الطلاق، أنا وداليا متشابهين في إننا في نفس المرحلة العمرية لكن هي شكلها تعيس وتعبان، لأنها مش مبسوطة بقالها سنين، وأنا بحكم خبرتي في الحياة عارفة أنه قد إيه الجواز ممكن يكون صعب، الجواز مش زي ما الناس كلها فاكرة أننا هنهرب من بيت أهلنا علشان نروح نتجوز وننبسط وخلاص فيه مسؤوليات ومشاكل ولازم نحط نفسنا مكان شريكنا ونراعي بعض في العيشة".
وبسؤالها عما إذا كانت ممن الممكن أن تتخذ قرار مثل داليا وتطلب الطلاق، ردت:"أي حد ممكن يعمل ده وفيه ناس كتير أوي خاصة الستات عاوزين يعملوا ده وحاسين أنهم ميتين بس مش قادرين يعملو ا ده لظروف اقتصادية وبشوف على جروبات كتير ستات متعلمين وكل حاجة لكن معندهمش مقدرة مادية، ولو عندها الشجاعة وحاسة انها من جواها ماتت ممكن متعرفش تعمل ده علشان مش هتعرف توفر مكان تقعد فيه".
وأشارت إلى أن تدخل البعض يؤثر في مثل هذه القرارت، موضحة:"هو طبعًا تدخل الناس بالورقة والقلم، بيأثر من ناحية شخصية ماجد الكدواني في المسلسل بالورقة والقلم هو محترم وبيشتغل دكتور وعمره ما مد إيده عليها، لكن هل ده كافي إنكي أكون مبسوطة، ده ممكن يحصل لراجل كمان، سواء راجل أو ست، ممكن مراته كويسة وبتربي الولاد كويس وشكلها حلو وبتحترمه وناجحة في شغلها ممكن ما يكونش مبسوط، ففي حاجة ناقصة، الناس من بره بتبص على اللستة دي".
وتابعت:"إحساس البني آدم من جوه بنفسه بيفرق وهو حقق إيه في حياته، مش بس في الزواج في كل حاجة، بعد كام سنة في حياته يسأل هو أنا درست الحاجة اللي بحبها بيكون متلغبط.. داليا برضه بقالها كام سنة واضح ان الموضوع تقيل على قلبها ومأثر على شكلها".
هذا المحتوى مقدم من بوابة دار الهلال
