حل فريق فيلم القصص مساء يوم الخميس 18 يونيو، ضيوفا على برنامج معكم تقديم الإعلامية منى الشاذلي، والذي يُعرض على قناة ON، وبينهم: نيللي كريم، المخرج أبو بكر شوقي، أمير المصري، كريم قاسم.

أمير المصري: فيلم القصص أحلى دور عملته في حياتي

وقال أمير فيلم القصص من أهم الحاجات اللي عملتها، أحلى دور أنا عملته في حياتي، وبقول بكل ثقة إن أبو بكر شوقي من أهم المخرجين الموجودين في الوسط، وليا الشرف إني أكون في فيلم مهم زي ده .

وتابع من أول ما قرأت الورق عيطت وتأثرت جدا إنه قدر يرسم الشخصية، وقالي مش عايزك تمثل شخصية والدي بس تاخد روح الشخصية ، لافتا إلى أن أبو بكر مخرج يتسم بالهدوء في موقع التصوير.

نيللي كريم تتحدث عن أبو بكر شوقي

وعلقت نيللي أول لوكيشن في حياتي أصور ويقولولي روحي، أقولهم متأكدين مش عايزني أكيد، كنا بنيجي في مواعيد مشاهدنا وعارف هو عايز إيه من الممثل، بهدوء جدا بيطلع أحسن ما عندك، وفي نفس الوقت مش بيستهلكك لإن الممثل من كتر الإعادة ساعات المخرج بيبقى مش عارف عايز إيه، والممثل بيلاقي نفسه بيشتغل كتير ويتدرب كتير .

وقال أبو بكر شوقي الفيلم تأجل أكثر من مرة وفيه خمس حقبات زمنية وحاجات كتير بتحصل، وده تسبب في تأجيلات كتيرة، والتأجيل إداني فرصة أحضر كويس جدا وأكون جاهز، وعارف أنا عايز إيه ومحظوظ إني بشتغل مع فريق متميز جدا، وهما كمان كانوا عارفين هما عايزين إيه .

فيلم القصص استقبلته دور العرض السينمائي قبل ساعات، تأليف وإخراج أبو بكر شوقي، ويشارك في بطولته: أحمد كمال، صبري فواز، حسن العدل ومجموعة كبيرة من الفنانين.

اقرأ أيضا

مصطفى منصور وهايدي رفعت يرقصان في حفل زفافهما.. شاهد الصور

طعنات في البطن والصدر.. كيف فقدت فاتن فريد حياتها في حادث مأساوي؟

المصدر: وكالات

هذا المحتوى مقدم من وكالة السداد الاخبارية