علق الفنان محمود حجازى على أزمته الأخيرة، وذلك بعد إخلاء سبيله على خلفية الاتهام بالتحرش واغتصاب سيدة داخل أحد الفنادق الكبرى بالقاهرة، موضحا أن ما يحدث ليس سوى تلفيق وحملات لتشويه صورته أمام الجمهور، حيث تريد طليقته الهروب بنجله صاحب العام ونصف والذى أنجبه من سيدة أجنبية.
ونشر «حجازى» مقطع فيديو عبر «فيس بوك» وكتب: «احنا منعرفش الخير فين وليه بيحصل كل ده اكيد ربنا ليه حكمة، والحقيقة هتبان هتبان وساعتها هبقى ضامن حقى فى الدنيا زى ما ضامن حقى فى الآخرة».
وأضاف: «كفاية كدب.. ده انتوا حتى بتكذبوا فى الشهادة العلمية، وبتقولوا دكاترة، فين طيب الدكتوراه دى، وهى كدبة بتحاولوا تداروا بيها عن نقصكم.. أنتم فاضيين.. ولا تعملوا غير على أذيتى.. وكل من حولى مهما عملتوا.. مش هتنازل عن #منع_سفر _ابنى اللى أنا محروم منه ولحد دلوقتى ابويا وامى لسه ماشفهوش خالص من ساعة ما اتولد وبقى عنده سنة ونص وبقاله فى مصر 5 شهور».
وتابع: «ربنا موجود وأنا أقوى من أى حاجة عشان معايا الحق، ومهما صرفتوا من حملات عشان تدمرونى مش هتعرفوا ده تعب سنين، ولو عايزين تتشهروا اصبروا لسه اللى جاى هيشهركوا اكتر، رغم أنى كنت ساكت عشان خاطر ابنى، بس دلوقتى خلاص لازم الدنيا كلها تعرف حقيقتكم زى ما ربنا عارفها، إنى فوضت أمرى لله».
واختتم: «وبجد اللى حصل ده علمنى كتير أوى، وشكرا لكل حد سأل عليا، أو قال كلمة خير فى حقى.. ولكل حد بيتكلم عن الموضوع وكأنّه عايش معانا وبيأكد اتهامات من غير دليل حسبنا الله ونعم الوكيل لقاءنا قدام ربنا. أنا واثق فى ربنا والقضاء المصرى وحقى هيرجع بالقانون».
كان اسم الفنان محمود حجازى تصدر مؤخرًا محركات البحث خلال الساعات الماضية، بعد إلقاء القبض عليه على خلفية اتهامه بالتحرش واغتصاب سيدة داخل أحد الفنادق الشهيرة بالقاهرة، وهى الواقعة التى أثارت جدلًا واسعًا على مواقع التواصل الاجتماعى.
سبب وتفاصيل القبض على محمود حجازي وبدأت الأزمة عندما ألقت الأجهزة الأمنية بمديرية أمن القاهرة القبض على الفنان محمود حجازى، عقب بلاغ تقدمت.....
لقراءة المقال بالكامل، يرجى الضغط على زر "إقرأ على الموقع الرسمي" أدناه
هذا المحتوى مقدم من صحيفة المصري اليوم
