علقت الإعلامية نهال طايل، على قيام المطرب أمير عيد بإشارة غير لائقة للصحفيين في عزاء والد طليقته، موضحة أن ما فعله من تصرف غير أخلاقي وليس له مبرر نهائياً.

وقالت نهال طايل في برنامجها " تفاصيل " المذاع على قناة " صدى البلد 2 "، :" أمير عيد من الفنانين اللي نالوا شريحة مهمة جدا عند أولادنا ولكنه قام بتصرف غير لائق في العزاء ".

وتابعت نهال طايل:" اللي عملته ده مش حلو وأنت أرقى من كده وأنت في مكانة أكبر من الحركات دي ولا داعي لهذا التصرف أنت مش محتاج ده".

وأكملت نهال طايل :" الصحفيين كانوا بيصورا أمير عيد لتوثيق لحظة وصوله للعزاء ومعني كده أنت مشهور وليك معجبين والناس بتحبك وتسمعك.. هل ده جزاتهم أنهم عملوا ليك قيمة ولو تجاهلوك أنت هتزعل جدا".

وأضافت نهال طايل: " لو محدش صورك هتطلع وتقول دول بيتجاهلوني.. اللي بيقع مش بيقوم تاني وأكيد نقابة المهن الموسقية هتاخد إجراء واللي حصل ده لا أخلاقي".

هذا المحتوى مقدم من بوابة دار الهلال