توجهت فتاة تُدعى هايدي الشابوري من محافظة بني سويف باستغاثة عاجلة لإنقاذها من أسرتها مشيرة إلى أنهم قاموا بإيداعها مصحة نفسية للإسيتلاء على ورثها من والدها بعد وفاته، وذلك من خلال منشور عبر حسابه الشخصي بموقع التواصل الإجتماعي الأشهر فيسبوك .
قالت هايدي: "عاوزه اقول كلمتين مهمين.. انا هايدي عندي ٢٧ سنة مخلصة حقوق ومعايا ماجستير وبحضر دكتوراه شغاله في محكمه الاستئناف اللي في مقبل.. بعد وفاة والدي الدنيا اتقلبت راساً علي عقب، الف رحمه ونور عليه.. حبيت شخص وهما كانو رفضينه، بعدين وافقو وطلبو منه كل حاجه حاجات اكبر من اي حد يطلبها دهب وفرش وحاجات كتير، جاب كل حاجه عشان يثبتلهم انه شاريني، وقالهم حددو ميعاد عشان نحدد القايمه، قالوله لا مش هنجوزهالك حتي بعد ما وافقو وطلبو كل حاجة، ضحكو عليا وقالولي احنا موافقين وهنكتبلك القايمة".
وتابعت: فجأة لاقيت اتنين داخلين عليا اوضتي بيتدعوا انهم في الداخلية، مين انتو انا فلان الفلاني طيب وريني كارنيهك مرضيش، قعدت اصوت واجري ف الشقه انادي علي ماما تلحقني، مكنتش اعرف انها هي اللي جيباهم، فجأة طلع من جيبه مخدر وادهولي، ماما كتفتني وكتمت نفسي بايدها عشان محدش من الجيران يسمعني، واختي زقتني عليهم، وابن عمي ساعدهم في ده .
واستكملت: صحيت لاقيت نفسي في مصحة في القاهره، بعد ما خدروني، انا هنا وبعمل ايه معرفش مين الناس دي وفين اهلي ملاقتش غير مشرفه المصحة بتقولي بصي احنا هنا اللي بيقعد المريض النفسي او اللي بيتعاطي واحنا هنقعدك مع دكتور نفسي وهنعملك تحليل طلعتي لده ولا ده هنمشيكي، بالفعل عملولي تحليل ومش بتعاطي، وقعدت مع دكتور نفسي حكتله اللي عملوه قالولي دي مشكله عائلية انتي مش مريضه ولا حاجة، ومش هينفع اكتبلك ادوية عشان متتعبيش .
وأردفت: اخويا كلم مشرفة الدار واكد عليها اخد ادوية ذي ذي المرضة النفسين بالظبط، قولتلها انا بتعب مينفعش اخده انا سليمه، قالتلي انا مش هديهولك عشان ده بيعمل تلف في خلايا المخ للشخص السليم وهيقلب معاكي بادمان ومش هنيمك في اوضة المرضي عشان متتعبيش نفسيا انا هاخدك في اوضتي، بس لو اخوكي كلمك لازم تقوليله انك بتاخديه بانتظام فجاءه لاقيته جالي المصحه اليوم الرابع بعد ما اتاكد من التحليل كان عاوز شهاده اني مريضه عشان يحجر عليا قانوناً بس ربنا اراد ونصرني والدكتور قال كلمه حق اني مش مريضة .
وأضافت: "لاقيته جايلي زياره ومعاه عقد وبيقولي.....
لقراءة المقال بالكامل، يرجى الضغط على زر "إقرأ على الموقع الرسمي" أدناه
هذا المحتوى مقدم من بوابة الوفد
