وجه حسين الشحات لاعب الفريق الأول لكرة القدم بالنادي الأهلي رسالة إلى الجماهير المصرية، بشأن الأزمة التي يمر بها حاليًا أحمد فتوح لاعب نادي الزمالك.
وكتب حسين الشحات عبر حسابه على موقع التواصل الاجتماعي «فيس بوك»: «أنا عايز اتكلم في موضوع كلنا بقينا بنتكلم فيه بس ماحدش حاسس بحاجة الموت بقى قريب مننا كلنا وناس كتير بقت تموت من كتر الضغط النفسي وشوفنا أخونا وصاحبنا أحمد رفعت ربنا يرحمه يارب، وشوفنا الأب الروحي الكابتن إيهاب جلال ربنا يرحمه يارب وما حدث له».
«وأنا كنت من فتره قريبة عندى مشكلة مع الشيبي وكنت أعانى من ضغط ربنا وحده اللى كان عالم بيا وطلعت واعتذرت».
وتابع: «ودلوقتي مش عايزين نوصل موضوع أخويا أحمد فتوح لكده ونرجع نقول بعد كده ياريت كنا خفينا عليه، فتوح غلط وقال أنا غلط مش لازم نتكلم ونقول لا أنت غلطان ونضغط عليه أي راجل لما بيطلع يعتذر ويقول أنا غلط سامحوني أولاُ دي حاجة كبيرة جدا عند ربنا والراجل طلع وقال أنا غلطان وعايز يروح لـ أهل الميت ربنا يرحمه يارب ويصبر أهله وأولاده يارب».
وأضاف: «مش كل شويه نطلع ونقول أنت غلطان، ادعي لـ فتوح ربنا يهديه ويسامحه ادعي لـ حسين ادعي لـ أي إنسان بيغلط» (كل بني آدم خطاء وخير الخطائين التوابون )، ربنا يهدينا جميعا ويسامح الجميع يارب، الدنيا مش مستاهله».
( واتقوا يوما ترجعون فيه إلى الله ثم توفى كل نفس ما كسبت وهم لا يظلمون ترقبوا وخافوا يوما يردكم الله سبحانه وتعالى إليه فلا تملكون من أموركم شيئا فيه ) فما َمَا ظَنّكُم بِرَبّ العَالمِين.
«اللهمّ إنّا نظن بك غفرانًا وعفواً.. وتوفيقاً ونصرًا.. وثباتاً وتيسيرًا.. وسعادةً ورزقًا.. وشفاءً وحُسْنَ خاتمة..وتوبةً نصوحًا وعتقًا من النار.. فهْب لنا مزيداً من فضلكَ.. يا واسِع الفضل والعطاء».
«اللهم فرج كرب المكروبين واقض حاجات السائلين وتب على العصاة والمذنبين من أمة محمد أجمعين يارب.....
لقراءة المقال بالكامل، يرجى الضغط على زر "إقرأ على الموقع الرسمي" أدناه
هذا المحتوى مقدم من صحيفة المصري اليوم
