طمأنت الفنانة شيرين عبد الوهاب جمهورها عبر حسابها الرسمي على موقع التواصل الاجتماعي الفيسبوك، ونفت جميع الأخبار المتداولة عن تدهور حالتها الصحية، مشيرة إلى أنها ستتخذ الإجراءات القانونية ضد مروجي هذه الشائعات.
وكتبت شيرين عبد الوهاب عبر حسابها الرسمي على موقع التواصل الاجتماعي فيسبوك: جمهوري الحبيب الغالي في جموع الوطن العربي أنا بخير الحمدلله وفي بيتي وكل الكلام اللي بيتم ترويجه علي صفحات السوشيال ميديا عن تدهور حالتي الصحيه كلام غير صحيح وجاري اتخاذ الإجراءات القانونيه ضد مروجي هذه الإشاعات السخيفه.
وفي سياق متصل، أحدث محمد عبدالوهاب، شقيق المطربة شيرين عبدالوهاب، ضجة جديدة بعد كشفه مفاجأة صادمة عن أزمتهما عبر حسابه الرسمي على موقع التواصل الاجتماعي الفيسبوك.
و كتب محمد عبد الوهاب عبر حسابه الرسمي على موقع التواصل الاجتماعي الفيسبوك:وحق كتاب الله الكلام ده بالحرف حصل وربنا شاهد، من حوالي شهر اتصالحنا وكان عندها ميتنج مع شركة عايزة تمضي معاها وكنا عند موزع شهير مش حابب أذكر أسماء حد بس هو كان موجود وإحنا في الميتنج.
و تابع : واحد كده معرفوش قالي عايز رقم حضرتك ده تبع المحامي قالي أصل المدام كلمت الأستاذ وإحنا داخلين وقالتله بالحرف كده خرج أخويا من القضية ما إحنا اتصالحنا بقى، والله الكلمة كإنها قلم نزل على وشي، خرج أخويا يعني أنا مش مدان ولا تربحت ومضيت عقد من وراكي لا أنتي بتدخليني وتخرجيني حسب مزاجك بقى.
و أضاف: ورحمة أبويا هقلب عليكم، وأنا بقى عندي إثبات بكل كلمة بحق ربنا مش زور زيك والبلد فيها قانون، حسبي الله.
وأوضح في منشور سابق، مانتي متعودة علي رمي البلا والافترى، عيشتك كلها زور في زور وصدقيني الشغل الشمال بتاعك انتي وانتوش ده مش هيطفي نارك كل ده عشان خسرتي القضية اللي انتي بردو رفعاها زور وربنا شاهد وعالم بس البلد فيها قانون فوق راسك انتي و انتوش.
هذا المحتوى مقدم من بوابة دار الهلال
