تمَرْجَح يا أمل غالي ولو ما ساعفك مصباح
على خيطٍ تراوالك، قبل ما تنطفي روحك
ولا تسأل عن الحيره ما بين الباب والمفتاح
ولا تنطر قطار يمر عَلّه ينقل اجروحك
هوا حَرَّك درايشنا مِسَح فوق العيون وراح
ولحظه وقّفَت لحظه تسمَّع هَمْسك وبوحك
يموت الورد في كفّك إذا ماله نِفَس مرتاح
وتذبل فيه أوراقه إذا ودَّع شجر دوحك
أعاتب أي نسيم يقول: صدّتني كثير ألواح
عجزت أصعد منازلكم وواسي في الدجى نوحك
وألوم الشوك بأغصانه إذا يخْطي على التفّاح
وأقول اشلون تتْحمَّل تعيش العالم بروحك!
هذا المحتوى مقدم من صحيفة الجريدة
