صاحبي في يوم إن حَسّيت ضيقه
شوف خالي البال دون أسباب ضايق!
والكريم إللّي إذا سدّوا طريقه
شاف له فرْجة أمل بين المضايق
لا تقول الدرب ما أقوى مضيقه
الأمل سكّة قطارك وانت سايق
ولا تقول إن الصبر ما اقدر أطيقه
منهو مثلك كاتم بصدره حرايق!
تبتلينا صروف دنيانا بدقيقه
وتنفرج - من دون ما ندري- بدقايق
ورملة السافي ولو تدفن حقيقه
تنقشع باچر وتظهر لك حقايق
هذا المحتوى مقدم من صحيفة الجريدة
